Haryanvi Song Lyrics
गोरी म्हारे गाम | कविता (काव्य)
Author:जैमिनी हरियाणवी | Jaimini Hariyanavi
गोरी म्हारे गाम की चाली छम-छम।
गलियारा भी कांप गया मर गए हम।।
आगरे का घाघरा गोड्या नै भेड़ै
चण्डीगढ़ की चूनरी गालां नै छेड़ै
जयपुर की जूतियां का पैरां पै जुलम
गलियारा भी....................।
बोरला बाजूबन्द हार सज रह्या
हथनी-सी चाल पै नाड़ा बज रह्या
बोल रहे बिछुए, दम मारो दम
गलियारा भी...................।
घुँघटे नै जो थोड़ा-थोड़ा सरकावै
सब तिथियाँ का चन्द्रमा नजर आवै
सारा घूँघट खोल दे तो साधु मांगै रम
गलियारा............................।
प्रीत के नशे में चाली डट-डटकै
चालती परी की पोरी पोरी मटकै
एटम भरे जोबन का फोड़ गई बम
गलियारा भी.......................।
टाबर सगले गाम के पीछै पड़ गे
देखते ही युवका के होश उड़ गे
बूढ़े-बूढ़े बैठ गए भर कै चिलम
गलियारा भी.....................।
कूदण लाग्या मन मेरा, बिंध गया तन
लिक्खण बैठ्या खूबसूरती का वरणन
कोरा कागज उड़ गया, टूट गी कलम
गलियारा भी कांप गया, मर गए हम।
Tag
Haryanvi Superhit Evergreen songs Lyrics In Haryanvi ,Apni haryanvi industry ka Superhit gaano me se ek.
आप सभी से प्राथना है कि आप अपनी हरयाणवी संस्कृति को कायम रखें क्योकि अपणी संस्कृति मे बहुत कुछ है एक बार इसे जानने की कोसिस करे ।
आपकी अपणी साइट प आण का आपका बहोत बहोत शुक्रिया।
जय भारत ज़य हरियाणा
No comments:
Post a Comment